Flokkur: Uncategorized

Mig hefur lengi langað að prófa baka svona skandinavíska kanilsnúða alltaf fundist þeir svo fallegir. Þegar við fórum til Dubai í haust þá millilentum við í Oslo ég keypti mér svona stóran snúð í bakarí á flugvellinum og hef ekki geta hætt að hugsa um þá síðan þá 🙂 Ég fór um allt á netinu að leita af uppskrift og valdi á endanum þessa af sænkri síðu og kemur hún hér á íslensku, þetta var sem sagt frum raun mín í kanilsnúðum og ég hef heldur ekki mikið bakað með geri. Ég var að fara í baby shower sem við vinkonurnar héldum fyrir eina úr hópnum og ég ákvað að skreita þá með bláum glassúr. Ég hélt það væri rosalega mikil vinna í að gera þá svona snúna, sá fyrir mér að ég væri að fara flétta deigið 🙂 haha en svo fann ég bara video á youtube hvering það er gert og það er ekkert mál, en það tekur samt smá tíma að gera gera þá. Þeir tókust svona ljómandi vel og smökkuðust líka mjög vel, mæli með að prófa og hægt að skreyta með perlusykri eða hverju sem ykkur dettur í hug 🙂
 Deig
  • 4 dl mjólk
  • 1 bréf þurrger
  • 15 dl hveiti
  • 2 dl sykur
  • 135 g smjör
  • 1 egg
  • 1 tsk vanillu dropar
  • 1/2 tsk salt

Fylling

  • 50 g sykur
  • 100 g smjör
  • 2 – 3 msk kanill (eftir því hvað þið viljið mikið kanilbragð)

Topping 

  • 1 egg
  • Glassúr, flórsykur, heitt vatn og blár matarlitur

 

Aðferð:

  • Hitið mjólkina upp að 37°C (líkamshiti) og bætið þurrgerinu saman við, blandið þessu vel saman.
    Leggið til hliðar og náið ykkur í aðra skál.
    Setjið hveiti, sykur, salt, egg, vanillu extract og smjör sem á að vera við stofuhita saman í skálina.
     Ég notaði hnoðaran á hrærivélinni en bara á lægstu stillingu.
    Hellið mjólkurblöndunni í pörtum saman við hveitiblönduna og blandið vel saman, ég tók það svo úr skálinni og kláraði að hnoða með höndunum en deigð er mjög klístar en ég bætti bara hveiti saman við.
    Því næst setjið þið deigið á borðið og hnoðið almennilega saman. Gott að strá örlitlu hveiti á borðið áður en ég læt deigið á borðið.
    Setjið deigið aftur í skálina, breiðið röku viskustykki yfir og látið hefast í 30 – 40 mínútur.

    Þegar að deigið er búið að hefast þá skerið þið deigið í tvo bita.
    Fletjið deigið út og smyrjið fyllinguna á deigið.
    Hitið smjörið smá ég hitaði það bara í ofni en hægt að gera það í potti líka en ekki bræða það alveg bara mýkja það. Bætti sykrinum og kanil saman við. Blandan á að vera svolítið þykk. Svona þannig að þið getið smurt því á með sleif.
    Rúllið deiginu upp eða brjótið það saman og skerið niður í lengjur, ég notaði pizzahníf. Ég notaðist við video af youtube hvering maður gerir þá í svona hnúta, skrifið bara swedish cinnamon buns og þá kemur hellingur upp og er mikið minna mál en ég hélt, en svo má líka bara gera venjulega snúða eða leika sér með hvað sem er 🙂
    Setjið smjörpappír á plötu, raðið snúðunum á og leggið rakt viskustykki yfir þá. Leyfið þeim að standa í ca. 30 mínútur.
    Að lokum pískið þið egg og penslið snúðana. Hægt að strá perlusykri yfir þá hér líka en ég sleppti því þar sem ég setti blátt glassúr yfir eftir að þeir voru búnir að kólna.
    Bakið þá við 200°C í 8 – 10 mínútur.

By Heidi Ola 😉

Ég elska þykka smoothie drykki sem eru eins og þykkir sjeik eða ís og hægt er að leika sér að gera þá fallega fyrir augað í allskonar lögum 🙂

Grænn CHIA GO smoothie

  • 1 lúka frosið avocado
  • 1/2 grænt epli (afhítt)
  • 1 kvíví (afhítt)
  • Smá sítrónusafa (þarf ekki)
  • sirka 4 klaka
  • Setja svo bara smá vatn ef þið viljið hafa hann þykkann, bæta frekar í ef það er oft þykkt.
  • 1 skvísa grænn Chia go (helt fyrst í glasið eða á toppinn ef þið viljið hafa það lagskipt, en mæli ekki með setja það með í mixarann því það skemmir chia fræin frekar hræra það útí eftir á)


Gulur CHIA GO smoothie

  • 1 poki smoothie mix með ananas, mango, passion fruit, papaya fruit (þessir pokar fást td í Bónus)
  • 1 lúka frosið mango
  • 1/2 banani
  • 1 passion fruit (þarf ekki en fæst ferskt í Hagkaup, gerir svona flotta áferð og er hrikalega gott)
  • Smá sítrónusafa (þarf ekki)
  • sirka 4 klaka
  • 1 skvísa gulur Chia go (helt fyrst í glasið eða á toppinn ef þið viljið hafa það lagskipt, en mæli ekki með setja það með í mixarann því það skemmir chia fræin frekar hræra það útí eftir á)


Það er hægt að gera þennan líka bara með banana, magno og cha go.
By Heidi Ola 😉

 Þessi dásamlega brownie kaka er tilvalin til dæmis sem pása desert, hún allvega með nóg af súkkulaði 🙂
En ég gerði þessa köku fyrir ári síðan fyrir páskana, en svo duttu nokkar uppskriftir út af síðunni minni þegar hún var uppfærð og ég er að vinna í því að koma þeim öllum inn aftur en þessi var greynilega vinsæl þar sem ég hef fengið fjölda fyrirspurna um hana síðan svo hér kemur hún aftur, njótið vel.
Ps: Ég notaði ég Freyju Rís saltkarmellusúkkulaði en í dag notaði ég Nóa Síríus súkkulaði af því ég átti það til, en það skemmtilega við þessa köku að þið getið svolítið leikið ykkur með hvaða súkkulaði þið viljið hafa í henni bara það sem ykkur finnst gott til dæmis mintu, mig lagnar að prófa næst að setja piparlakkrís kurl 😛
Hitið ofninn í 170 gráðu hita.
  •  3 egg
  • 300 g. púðursykur
  • 2 tsk. vanilludropar
  • 90 g. hveiti
  • 2 tsk. lyftiduft
  • 1/4 tsk salt (1 tsk. fyrir þá sem vilja fá meira saltbragð)
  • 200 g. smjör
  • 300 g. Síríus konsum 70% súkkulaði
  • 200 g. Freyju Rís saltkarmellusúkkukaði , saxað grót
  • 100 g til skreitingar ofan á.
  1. Þreytið egg, vanilludropa og púðursykur saman þangað til blandan verður ljós og létt.
  2. Blandið öllum þurrefnunum saman og sigtið ofan í blönduna og hrærið rólega saman við.
  3. Bræðið smjörið og súkkulaðið saman í pott yfir lágum hita og blandið saman við, hrærið varlega þar til allt hefur blandast vel saman.
  4. Skerið 200 g. Freyju Rís saltkarmellusúkkulaði í grófa bita og blandið saman við deigið og hrærið léttilega.
  5. Smyrjið eldfast bót og setjið deigið í. Bakið í 25 mín.
  6. Þegar kakan er tekin út brjótið þá 100 g. af Freyju Rís saltkarmellusúkkulaði í grófa bita og setjið strax ofan á kökuna svo það nái að bráðna ofan á.  Gott er svo að láta kökuna kólna aðeins áður en hún er skorin.
  7. Kakan á að vera blaut í sér þegar hún er tekin úr ofninum. Gott að bera fram með ís eða rjóma!

ps. ég setti bitana með sem fara ofan á með í ofin í dag en mæli frekar með að gera það eftir á, ég gerði það með þessa 🙂

Ég fékk það skemmtilega verkefni að auglýsa nýju grænu línuna frá Appololakkrís sem er piparlakkrís og ég elska í fyrsa lagi lakkrís og hvað þá piparlakkrís það gerist varla betra 😛 Ég er búin að vera mikill aðdáandi piparfylltu reimanna og núna er komið þannig súkkulaðihúðað kurl sem er snilld út ís eða í bakstur, enn stærra piparfylltur hjúp lakkrís, súkkulaði með piparfylltum lakkrís og piparegg 🙂
Ég prófaði að nota eina af þessum nýjungum í bakstur í dag en ég setti piparfylltan hjúp lakkrís í brownie köku og namm það er tryllt!!![do_widget „Featured Image“]
Hitið ofnin í 180 gráður og setjið smjörpappír ofan í eldfast mót ég var með fat sem er 23x23cm. 

  • 75 g suðusúkklaði eða annað dökkt súkkulaði
  • 113 g smjör (við stofuhita)
  • 100 g púðursykur
  • 1 egg
  • 120 g hveiti
  • 1/2 tsk lyftiduft
  • 1-2 pokar af Piparfylltum hjúp lakkrís frá Appolo lakkrís. (raðað ofan í magn eftir smekk)
  • Hitið ofnin í 180 gráður.
  • Bræðið súkkulaði í örbylgjuofni eða í vatnsbaði.
  1. Þeytið saman smjör og púðursyrkur þar til það verður ljóst og loftkennt í sirka 2 mín.
  2. Bætið egginu við.
  3. Bætið bræddu súkkulaðinu við og hrærið á lágum hraða á meðan.
  4. Hægt og rólega bætið hveitinu og lyftiduftinu saman við.
  5. Hellið deiginu í formið og raðið svo piparfylltum lakkrís hjúp bitunum yfir ég raðaði þeim á mis í röð en mæli með að raða þeim frekar í beinar raðir og skera svo niður í litla bita, ég skar þannig að það sæist inní lakkrís bitana en það væri líka hægt að hafa bita í miðjunni á hverri sneið, þið gætuð líka haft þá enn þéttari eða notað litla kurlið, þess vegna stendur 1-2 pokar eftir smekk. Bakið í 30 mín. 
  6. Gott að láta hana kólna alveg áður þið skerið í bita. Mæli með að bera fram með ís eða kaldri mjólk eða skera í svona litla konfekt bita svipað og döðlugott bitar ég gerði það. Ps:Þetta er ekki svo stór uppskrift svo fyrir gráðuga mæli ég að tvöfalda hana 😛

Made by Heidi Ola

Í byrjun árs setja margir sér einhverskonar markmið. Vilja gera eitthvað nýtt, öðruvísi eða verða betri í einhverju.
Fyrir tveimur árum síðan fór ég á Dale Carnegie námskeið og komst að allskonar nýju um sjálfa mig sem hefur hjálpað mér að efla sjálfstraustið. Ég komst að hlutum sem ég hafði kannski ekki sérstaklega spáð í áður en veit að munu nýtast mér í framtíðinni. Ég hef látið verða af hlutum sem mig langar að gera og framkvæmt meira.
Sjálfstraust er að þora að vera maður sjálfur með öllum sínum kostum og göllum. Við erum oft svo vön að gera það sem okkur þykir þægilegt og kunnuglegt að það getur verið „scary“ að gera eitthvað öðruvísi. Þegar maður prófar, tekur áskorun og það gengur upp þá styrkir það sjálfstraustið.

Alveg eins og í ræktinni; ef við höngum bara á hlaupabrettinu og lyftum aldrei lóðum þá styrkjum við ekki mikilvæga vöðva í efri hluta líkamans. Það getur verið erfitt að breyta rútínunni sinni en þegar vel tekst til þá verður maður sterkari og fjölhæfari. Sjálfstraustið okkar virkar svipað. Með því að gera litlar breytingar á hegðun getum við fengið allt aðra og betri útkomu.

Margir halda að Dale Carnegie sé bara fyrir feimið fólk og þegar ég sagði frá því að ég væri á svona námskeiði urðu flestir hissa því ég virka ekki beint feimin en þetta er alls ekki bara fyrir feimið fólk eða fólk sem ætlar að læra halda ræður eins og ég sjálf hélt fyrst. Ég var mjög stessuð fyrir hvern tíma og vissi ekki hvað ég var búin að koma mér útí eftir fyrsta tímann en vá hvað mér leið vel eftir hvern tíma eftir það og var ánægð með mig. Tilfinningin þegar ég kláraði námskeiðið var svipuð og sigurvíma ég var einhvernvegin á bleiku skýi í nokkra daga 🙂 Ég mæli hiklaust með Dale Carnegie.

Stígðu útfyrir þægindarammann á nýju ári og finndu sjálfstraustið aukast.

Mér var boðið að koma í heimsókn í Geysir Heima á Skólavörðustíg 12 en það er 3 Geysis búðin á Skólavörðustíg og er svona meira heimilis og gjafavörubúð.

Geysir er með hátíðartilboð í gangi í aðventunni sem eru sniðug í jólagjafir, t.d. ekta falleg ullarteppi í allskonar litum og munstrum, handklæði, sængurver úr 100% bómull og ilmkerti.

Rosalega margt fallegt til ég valdi mér teppi, handklæði og kerti með Hátíðarilm sem er eins og lykt af jólunum 🙂 Mamma var með mér en við vorum í jólastússi saman og keypti hún sér ótrúlega töff blaðagrind sem er Ítölsk hönnun.


Kósý kvöld með hátíðarilm og Heimi sem er að fíla nýja ullarteppið enda er það alveg í hans litum 🙂

Prófaði í fyrsta skipti í dag að baka úr Proteinbrauð mixinu frá Sukrin. Ég ákvað að gera litlar bollur í anda bolludagsins, en er hægt að gera hvað sem manni dettur í hug, það stendur einmitt á pakkanum að hægt sé að gera brauð, rúnstykki, tortilla kökur eða skonsur. Það eina sem þarf að bæta í er 4dl. vatn en það má setja mjólk eða jógúrt í staðin eða á móti vatninu. En þetta mix inniheldur engan sykur, er glútein free, lítið af kolvetnum og mikið af próteini, svo mjög snyðugt fyrir þá sem eru að hugsa um að minka kalolírunar og eru að reyna minnka t.d. brauð át.

Það sem ég notaði var:
1 kassi Proteinbrauð mix
2 dl ab mjólk (laktósafrí frá Örnu).
2 dl vatn.

Heitar bollur inni í snjónum í dag 😛

Made by Heidi Ola 😉

Langaði svo mikið í eitthvað djúsí….átti til hakk og áðkvað að prófa henda því í einskonar mexico eðlu.[do_widget „Featured Image“]Hitið ofnin í 180°

  • 500g Hakk
  • 1 rauð paprika skorin smátt.
  • 1 krukka salsa sósa
  • 2 tómatar, hakkaðir.
  • 1 askja Philadelphiaostur
  • 1 poki pizza ostur
  • Nachos flögur
  • Jalepeno úr krukku (val)

Kryddin sem ég notaði á hakkið: Guacamole krydd frá The spice tree, Fiesta de Mexico frá Pottagöldrum, Chilli Powder og smá tabasco sósa. (en annars er hægt að nota líka tilbúið tacokrydd í poka)

Smyrjið rjómaostinum í botnin á eldföstu móti.
Steikið hakkið á pönnu ásamt paprikunni kryddið eftir smekk. Bætið svo tómötum og salsasósu á pönnuna. Hellið svo öllu af pönnunni yfir rjómaostin, stráið ostinum yfir og raðið eða myljið nokkrum Nachos flögum yfir og raðið jalepeno ef þið fílið sterkt. Bakið í ofni í 10 mín eða þar til osturinn er orðin vel bráðin.

Gott að bera fram með nachos flögum, salati, guacamole og síðrum rjóma.
img_0357Made by Heidi Ola 😉

Ég heiti Aðalheiður Ýr Ólafsdóttir og er oftast kölluð Heiða. Ég hef starfað sem einkaþjálfari í World Class í Laugum síðan ég útskrifaðist sem einkaþjálfari árið 2011. Hef ég keppt á fjölmörgum fitness mótum bæði hér heima og erlendis í bikini fitness flokk unnið til margra titla þar á meðal var ég Heimsbikarmeistari árið 2012. Það er ein af ástæðunum að ég er kölluð Heidi Ola líka þar sem þeim erlendis finnst ómögulegt að bera fram nafnið mitt.

Ég er í fullu starfi sem þjálfari og tek að mér bæði einkaþjálfun 1-4 saman og einnig fjarþjálfun, þar sem ég geri æfingarplan og matarplan og hitti viðkomandi og mæli.  Fer einnig yfir matardagbækur. Mitt helsta áhugamál er líkamsrækt og allt sem henni við kemur og þá einna helst hollt mataræði sem skipir jú 80% máli og set ég uppskriftir af því sem ég hef verið að gera hér inná síðuna mína og er einnig með opið snapchat: heidifitfarmer þar sem ég reyni að vera dugleg að setja inn hugmyndir af hollum mat.

Æfingarplanið er 4 vikur og þú getur prentað það út ef þú vilt og merkt alltaf inná eftir hvert sett þyngdina sem þú tókst og haldið þannig utan um hvað þú náðir að bæta þig í hverri viku.

Flestar æfingarnar getur þú gert í supersetti, það þýðir gera 2 æfingar í röð og svo 1 mín pása á milli. Ég setti ég sama lit við 2 æfingar í röð þar sem það á við. Þá er meiri hraði á æfingunni og þú brennir meira.

Einnig setti ég interval spretti inná milli æfinganna til að ná enn meiri brennslu og í lokin. Interval er ein besta brennsla sem þú fengið á sem skemmstum tíma. Interval snýst um að ná púlsinum upp og niður til skiptis og veldur það eftirbruna eftir æfinguna. Ef þú treystir þér ekki í að hlaupa eða getur ekki hlaupið þá má alveg taka interval á öðrum brennslutækjum t.d. stigavélinni, hjóla, skíða, taka róður á róðarvélinni og gera þá hratt og hægt til skiptis. Má líka hafa með sér sippuband og sippa á milli.

Þér er velkomið að senda mér tölvupóst ef þú ert með einhverjar spurningar.
heidiola@ifitness.is

Takk kærlega fyrir þáttökuna. Gaman að sjá hvað margir nýttu sér fría æfignarplanið frá mér 🙂 (var í samstarfi með tilboði hjá Heimkaup á Polar æfingarúrum frá 24-31jan)
[do_widget „Featured Image“]

Hæhó og gleðilegt nýtt ár…jól og allt það. Ég er á lífi en ekki sett neitt inn alltof lengi en ætla að bæta úr því á nýju ári!

En hér kemur ein einföld uppskrift þar sem svo margir voru að biðja um hana bara núna strax!!
Fyrsti Fatness saumklúbbshittingurinn var haldin heima hjá mér síðastliðin föstudag og við vorum með nýárspartý þema…snakk…dýfur og líka smá þrettánda…klára smákökunar og svona… 😛
Það komu allar stelpunar með eitthvað og ég gerði Jalapeno ídýfu sem sló í gegn 🙂
IMG_3432-3

Jalapeno ídýfa:

  • 1 box af Philadelphia rjómaost (ég notaði létt)
  • 1 dós sýrður rjómi (ég notaði 5%)
  • 1 poki rifnum pizza ost
  • 1 1/2 dl rifin parmesan ostur
  • sirka hálf krukka (fer eftir smekk) jalapeno frá Santa Maria (takið steina og kjarnan innan úr og skerið smátt niður)

Allt hrært saman í mauk, ég notaði hrærivélina en þið getið gert það með sleif líka.

Krums ofan á:

  • 1 dl brauðmylsna
  • 4 msk brætt smjör
  • 1/2 dl rifin parmesan ostur
  • 1 msk þurrkuð steinselja (ég átti frá Pottagöldrum)

Ég notaði svo brauð sem skál af því mér finnst það svo smart og líka þar sem ég notaði brauðkrums ofan á dýfuna passaði það vel við.
Ég tók innan úr heilu stóru brauði, það þarf ekki að vera kringlótt brauð má vera hvering sem er, tók svo smá af því brauði, aðalega skorpunni og setti í aðra skál ásamt smjöri, parmesan og steinselju, hrærði öllu saman og hellt yfir dýfuna. Dýfan er svo sett í 200° heitan ofn í 20 mín.

Þið getið líka alveg bara sett dýfuna í eldfast mót og notað mulið ritz kex, snakk eða rasp í staðin fyrir brauðið. Hægt er líka að rífið niður eina brauðsneið ef þið eigð ekki heilt brauð.
Ég gaf fuglum restina af brauðinu sem ég tók innan úr 🙂
IMG_3240