Pavlovur með Tyrkis Peber kremi og hindberja toppi

Eitt besta kombóið mitt saman er lakkrís eða sterkt nammi með hindberja eða jarðaberja bragði 😛

En þessar kökur eru með Tyrkis peber sem er uppáhalds brjóstykurinn minn og hindberjum sem eru uppáhalds berin mín!

Hráefni:

Hindberja toppur

• ½ vanillustöng
• 60 g ljós púðursykur
• 65 g hindber

Pavlovur

• 6 eggjahvítur
• 200 g sykur
• 200 flórsykur
• 1½ tsk mataredik

Tyrkis Peber krem

• 2 matarlímsblöð
• 150 g hvítt Toblerone
• 500 ml rjómi
• 4 tsk fínt mulin Tyrkis peber

Á toppinn

• Hindber
• Fint mulin Turkis peber

 Leiðbeiningar:

 (ath þessa uppskrift er gott að gera degi áður og skreyta svo daginn eftir)

1. Byrjið á að hita ofnin í 100 gráður
2. Skerið hálfa vanillustöng eftir endilöngu en ekki alveg í gegn og skafið fræin innan úr með hníf og setjið í skál. Setjið sykur saman við, skolið hindberin í sigti og takið svo uppúr og kreystið þau útí, hrærið vel saman við sykurinn og vanilluna með skeið. Setjið í kælir í minnst 5 tíma eða yfir nótt, eða þar til sykurinn hefur bráðnað alveg.
3. Leggið matarlímsblöðin í vatn í 15 mín.

4. Saxið hvítt Toblerone niður og hitið yfir vatnsbaði. Hitið rjóma í potti rétt undir suðu og bætið fínt munda Tyrkis peber útí og því næst hellið hvíta Tobleroinu útí og hrærið vel saman.
5. Takið matarlímsblöðin uppúr vatinu og kreystið úr þeim og setjið í pott og hitið yfir vatnsbaði og hellið því svo útí rjómablönduna.
6. Hrærið vel saman og hellið í skál og setjið í kælir í minnst 5 tíma eða yfir nótt.

7. Þeytið eggjahvítur þar til þær verða stífar, bætið sykrinum útí og þeytið þar til blandan verður stíf og bætið þá flórsykrinum útí og hrærið enn meira. Bætið þá matarediki útí þegar hann er orðin stífur.
8. Setjið smjörpappír á tvær bökunarplötur.
9. Setjið blönduna í spratupoka með stjörnustút framan á og sprautið í litlar pavlovu kökur með smá holu í miðjunni, fer eftir hversu stórar þið gerið en það ættu að passa sirka 9 kökur á plötu eða fleiri ef þið gerið minni.
10. Bakið í 1½ klst og gott að láta þær kólna inní ofninum.

11. Takið Tyrkis peber kremið úr kælir og létt þeytið það með handþeytara eða örstytt og mjög varlega í hrærivél setjið kremið þá í sprautupoka með stjörnustút.

12. Setjið smá hindberja sultu ofan í hverja holu á kökunum og svo kremið fyrir það og svo aftur smá sultu og skreytið með hindberjum á toppinn.

Þessi uppskrift er í samstarfi með https://gerumdaginngirnilegan.is